ကိုအောင် (ပျူနိုင်ငံ) စစချင်း ဘလော့ဒေးအတွက် အမှတ်တရ ဆိုတာ မြင်တာနဲ့ ဟိုးအရင် စစချင်း စာတွေ ရေးတာလေး ကို သွားတော့ သတိရမိလိုက်တာတော့ အမှန်ပါပဲ .. အပိုင်း ၂ လည်း ဖတ်ရော တဂ်ထားတာ တွေ့တော့ စိတ်ထဲ မှာ ကိုအောင့် ကို အားနာသွားမိတာတော့ အမှန်ပါပဲ .. ဘာလို့လဲ ဆိုရင် အလုပ်နဲနဲများနေတာနဲ့ ချက်ချင်း မရေးပေးနိုင်လို့ပါ ..း))

စာ စစချင်း ရေးဖြစ်တာကတော့ ( ၂၀၀၇ )လွန်ခဲ့တဲ့ ၄ နှစ်လောက်က စုဗူးဆိုတဲ့ ဆိုဒ်လေး ကပါ .. အဲ့နေ့က အလုပ်ကနေ အင်တာနက် ဂျာနယ် ဖတ်နေရင်း အဲ့ဒီ့ ၀က်ဆိုဒ် အသစ်လေး အကြောင်း ရေးထားတာ လေး တွေ့တော့ ဖတ်လည်းပြီးရော ချက်ချင်းပဲ အလုပ်ကနေအကောင့်ဖွင့်လိုက်ပါတယ် .. နောက် အဲ့ဒီ့ ဆိုဒ်လေးမှာ ဖွင့်ပြီး နောက် သိပ်မကြာလိုက်ပါသလိုပဲ .. ဘလော့ဂါ ဒေး ဆိုပြီး မြန်မာ အိုင်စီတီ ပတ်ခ် မှာလား မသိဘူး လုပ်မယ် ဆိုတာလည်း အင်တာနက် ကနေ ကြားလိုက်ပါသေးတယ် .. အဲ့ဒါ ဘလော့ဂါ ၄ ယောက်လား ၊ ၅ ယောက်လား မသိဘူး .. သူတို့ တွေ (..... ) ပြောကြမှာပေါ့ ဆိုပြီး အွန်လိုင်းမှာ ကြေငြာတာတွေ့လိုက်ပါတယ် .. အဲ့ဒါနဲ့ ဘလော့ဂါ ဒေါ့ ကွန်း မှာ ဘလော့ တစ်ခုပါ ထပ်ဖွင့်လိုက်ပါသေးတယ် (ယေးတေးတေးပဲ) .. ဒါပေမယ့် အဲ့ဒီ့ ဘလော့ က လုံးဝ စာမရှိပဲ အကောင့်ပဲ တတ်စတင် အနေနဲ့ ဖွင့်ကြည့်ထားခဲ့တဲ့ ဘလော့ပါ ..

တကယ်တော့ လွန်ခဲ့တဲ့ ၄ နှစ် (၂၀၀၇) က စလို့ စာရေးတယ်လို့ ပြောပေမယ့် လုံးဝ ဟုတ်တိပတ်တိ ရေးတဲ့ သူတစ်ယောက် မဟုတ်ပါဘူး .. ဒါကြောင့် ကိုယ့် ကိုယ်ကို စာရေးနေတဲ့ သူတစ်ယောက်လို မသတ်မှတ်မိသလို ၊ ခုချိန်ထိ စာကောင်း ပေကောင်း တွေလည်း မရေးတတ်သေးပါဘူး .. မအားလို့ မရေးဖြစ်တာ တွေ နဲ့ပဲ ကီးဘုတ်မှာ နှိပ်မိတဲ့ လင့်ခ် တွေ သွားရင်း သူများရေးထားတဲ့ စာတွေ ကိုပဲ လိုက်ဖတ်ခဲ့တာများပါတယ် .. ဆိုဒ်တွေ နဲ့ လင့်ခ်တွေ တော်တော်များများကို ရောက်ပေမယ့် ကွန်မန့်တွေ တော့ အရမ်း မရေးဖြစ်ပါဘူး ..
အထူးသဖြင့် နာမည်ကြီး ဆိုဒ်တွေပါ .. ကိုယ်က ပေါ့ပေါ့ပါးပါးကွန့်မန့်လောက်ပဲ ပေးဖြစ်တော့ ကိုယ်ရေးတဲ့ ကွန့်မန့်နဲ့ ရေးထားတဲ့ စာနဲ့ မကိုက်ဘဲ တစ်မျိုးထင်ပြီး လွဲကုန်ရင် မကောင်းဘူးလေ .. အဲ့ဒါကြောင့်ပါ .. B-) ဒါပေမယ့် ဆိုဒ်တွေမှာ စကားလုံး ဖောင့်သေးနေတဲ့ ဆိုဒ်တွေ ဆိုရင်တော့ လုံးဝ မဖတ်ဖြစ်ပါဘူး .. ဘာလို့လဲ ဆိုရင် မျက်လုံး အာရုံစိုက်ရတဲ့ အတွက်ပါ ..(ကိုယ့်ဆိုဒ်က ဖောင့်တောင် သေးနေသေးတယ် ထင်တာ).. ပုဂ္ဂိုလ်စွဲ နဲ့ ဖတ်တာ မဟုတ်ပေမယ့် ကိုယ်ခင်တဲ့ သူငယ်ချင်း ဆိုဒ်တွေကတော့ အမြဲတမ်းတမ်း လိုလို ရောက်ဖြစ်ပါတယ် ..

ပြန်ဆက်ရမယ် ဆိုရင် အဲ့ဒီ့ စစချင်း စုဗူး ဖွင့်လိုက်တုန်းက လူ အယောက် ၅၀ လောက်ပဲ ရှိပြီး တစ်ယောက်နဲ့ တစ်ယောက် နဲ့ လည်း ပျော်ဖို့ကောင်းပါတယ် .. နောက် ၁ ယောက်နဲ့ ၁ ယောက် အပြင်မှာ တွေ့ရအောင် ဆိုပြီး ပထမဆုံး စုဗူး တွေ့ဆုံပွဲလေးကို မြေနီကုန်းမှာ လုပ်ခဲ့ကြတော့ ကိုလူလိန် ၊ ကိုရွှေဘုန်းလူ ၊ ၀ိုင် ၊ ကိုစိုးမိုး ၊ ကိုလူစိမ်း ၊ ကောင်းကင်ပြာ၊ မငယ် ၊ သံယောဇဉ်လေး ၊ ဆာမူရိုင်း ( ၁၅ ယောက် ) လောက် လာခဲ့ကြပေမယ့် ကျန်တဲ့ သူတွေကို မမှတ်မိတော့တာ ခွင့်လွှတ်ပါ ..တွေ့ခဲ့ကြတယ်ဆိုပါတော့ .. နောက် ပရဟိတ တွေ လုပ်ဖို့ လည်း ပြောခဲ့ကြတာ မှတ်မိပါသေးတယ် .. အဲ့ဒီ့နောက်ပိုင်း မနက်ရုံးရောက်ရင် ဘယ်သူတွေ ဆိုဒ်မှာ စာအသစ်တင်လည်း အမြန်ဖွင့်ကြည့်ရတာ အမော ..း)) အဲ့ဆိုဒ်မှာ ရေးခဲ့မိတာလည်း စုစုပေါင်း ၁၀ ပုဒ် လောက်ပဲ ၇ှိမယ် ထင်ပါတယ် .. နောက်ပိုင်း သူတို့တွေလည်း ကိုယ်ပိုင် ဘလော့ဖွင့် စာရေးတဲ့ အပြင် ဆိုရှယ်ဆိုဒ်တွေပါ လုပ်လာခဲ့တယ် ..

အဲ့ဒီ့ ဆိုဒ်လေး မှာ အကောင့်ဖွင့်ပြီး နောက် ၆ လ လောက် နေတော့ ဒီကို ထွက်လာတော့ ရောက်ရောက်ချင်း ကွန်ပြူတာ မရှိတဲ့ အတွက် ၆ လ လောက် ဆိုဒ်ထဲလည်း မ၀င်ဖြစ်တော့သလို ၊ ဘယ်လင့်ခ်ဆိုဒ်မှလည်း မရောက်ဖြစ်တော့ပါဘူး .. ဒါပေမယ့် ကွန်ပြူတာ ၀ယ် ပြီး နောက် ဆိုဒ်ထဲ ပြန်ဝင်တဲ့အခါကျတော့ အရင်လို ပျော်ဖို့ မကောင်းတော့သလို ၊ ပြသာနာတွေ ကို တွေ့နေပေမယ့် အဲ့စုဗူးကနေပဲ သူငယ်ချင်း အသစ်တွေ ထပ်ရခဲ့ပါတယ် .. နာမည်မှတ်မိတာ ဇီးရိုး ၊ သူရဿဝါ နဲ့ ပင်ဂွင်း မှတ်မိတော့လို့ ကျန်တဲ့သူများ ခွင့်လွတ်ကြပါ .. နောက် ဆက်ပိုင် (ဗညားရှိန် ၊ လင်းခေတ်ဒီနို) ကို စုဗူးကဓာတ်ပုံတွေထဲမှာ တော့ မြင်နေရပေမယ့် အဲ့တုန်းကမမြင်ဖူးသေး၊ မခင်သေးပါဘူး .. အဲ့နောက်ဒီမှာ ပထမဆုံး သိတာကတော့ မက်ရှိမိုရိုး နာမည်နဲ့ (ကိုသားဇော်) ၊ သူကနေ သိတာ နာမည် ခဏ၊ ခဏ ပြောင်းရတာ ၀ါသနာ ပါတဲ့ ညီညီထွေး (ခ) နာကာမူယာ (နေ၀သန်) ၊ မေသဲ (မိုးခါး) ၊ ညီညီကျော် (ညီညီကျော်) ၊ သိပြီး သိပ်မကြာပါဘူး .. အပြင်မှာပါ တွေ့ရအောင်ပါ ဆိုပြီး ချိန်းလိုက်တာကနေ လူချင်းပါတွေ့ ၊ ပိုရင်းနှီးသွားခဲ့တယ် ... တွေ့တွေ့ချင်းနေ့ပဲ နေ၀သန် ရဲ့ လမ်းညွှန်မှု့ ကြောင့် ဂျလန်းဂျလန်း ထလိုက်ကြတာ ခြေထောက်တွေ တောင် ကိုက်တယ် .. ((မှတ်မိကြလားတော့ သိဘူး)) :D

အဲ့နောက် မိုးခါးက သူ စုဗူးမှာ စာမရေးတော့ဘဲ အပြင် ကိုယ်ပိုင် ဆိုဒ်နဲ့ ရေးနေပါတယ် တဲ့ .. နောက် ပိုးတွေကူးကုန်ပြီး .:D နေ၀သန် ကလည်း သူလည်း စာမရေးတော့ဘဲ ဘလော့ဂါ ဒေါ့ကွန်မှာ ရေး၊ ညီညီကျော် ကလည်း ဘလော့ဖွင့်ပြီး ရေးကြရာကနေ ဆောင်းနှင်းရွက် လည်း ဘလော့ဖွင့်ရကောင်းနိုးနိုး ၊ မဖွင့်ရ ကောင်းနိုးနိုးနဲ့ မိုးခါး ၊ နေ၀သန် ၊ ညီညီကျော် အကူအညီနဲ့ပဲ အရင် တတ်စတင် လုပ်ထားတဲ့ ဘလော့စပေါ့ဒေါ့ကွန်းကို ပစ်ပြီး ဆောင်းနှင်းရွက် ဆိုပြီး ဘလော့ ဖွင့်လိုက်ရာကနေ ခု လက်ရှိ ဖွင့်ထားတဲ့ ဘန်နာမှာ ဆိုဒ်နာမည် ပျောက်နေတဲ့ ဆောင်းနှင်းရွက် ဆိုတဲ့ ဆိုဒ်လေးပါပဲ ..

အဲ့ဒီ့နောက်ပိုင်း တစ်ယောက် နဲ့ တစ်ယောက် ဟိုဆိုဒ်သွားဖတ်ကြည့် ၊ ဒီဆိုဒ် သွားဖတ်ကြည့် ပြောရင်း စုဗူးပြင်ပ ကနေ ဘလော့ထဲက စသိလာတာ တောင်ပေါ်သား ၊ အဆိပ်ခွက် ၊ ဦးရှင်ကြီး ၊ မေလေး ၊ မကောင်းကင်ပြာ ၊ မေတ္တာရောင်ပြန် ၊ ဘိုဘိုဟန်(မိုးကုတ်) ၊ ရီနိုမာန် ၊ ဦးသီဟသစ် ၊ နွေးနေခြည် ၊ မ၀ါ ၊ နွေးနွေးသဲမွန်.. သူတို့တွေနဲ့ သိလာခဲ့တယ် .. နောက် ကိုဖိုးစိန်၊ မေသူ ၊ မြရေသျှင် ၊ မျိုးထက်ဇော် ၊ သက်ပိုင်သူ ၊ ဆောင်းချမ်းမိုး ၊ သံလွင်ဟီးရိုး ၊ ညလင်းအိမ် ၊ မင်းကိုချစ်တဲ့သူ ၊ တလနွန် (( ကွိုင်ပဲ ရေးနေရင်း နာမည်တွေ မေ့ကုန်ပြီ ..)) စိတ်မရှိကြပါနဲ့ ... နောက်ပိုင်း ဟိုသွား ၊ ဒီသွား အဖွဲ့လိုက်တွေ ရှိလာခဲ့ပေမယ့် မအားတဲ့နေ့တွေက များနေတော့ တော်ရုံ တန်ရုံ မသွားဖြစ်တာ နဲ့ နောက်ပိုင်းမှာ ဘယ်သူနဲ့ အရမ်း မတွေ့ဖြစ်တာ က များလာခဲ့တယ် .. :))

ဒီထဲက ခုနောက်ပိုင်း စာရေးတာ ကျန်တာ ဆိုလို့လည်း နေ၀သန် ၊ မိုးခါး ၊ လင်းခေတ်ဒီနို ၊ ညလင်းအိမ် ၊ သက်ပိုင်သူ ၊ ကိုဖိုးစိန် ၊ မင်းကိုချစ်တဲ့သူ ၊ လောက်ပဲ ရှိပါတော့တယ် .. အဲ့နောက် ဘလော့ တော်တော်များများလည်း ပိုရောက်ဖြစ်လာတယ် .. ဘယ်ဘလော့ တွေ ရောက်လည်း ဆိုရင် တော်တော်များများကို ရောက်တယ်လို့ ဆိုချင်ပေမယ့် အကုန်တော့ မဖတ်ဖြစ်ပါဘူး .. ဘလော့ အသစ် တစ်ခုတွေ့တိုင်း ၊ စိတ်ဝင်စားစရာတွေ ရှိတိုင်း အမြဲ လင့်ခ်ယူပြီး ချိတ်ထားလိုက်ပါတယ် . . ရှေ့က သူဘာတွေ ရေးခဲ့လဲ ဆိုတာ မဖတ်နိုင်ပေမယ့် နောက်ပိုင်း ရေးမယ့်ဟာတွေကို ဖတ်ချင်တာနဲ့ တင်တိုင်းသိရအောင် လင့်ခ် ယူလာတာပါ ..
ဥပမာ - ကိုအောင်(ပျူနိုင်ငံ)ပဲ ဆိုပါစို့ .. :D သူ့လင့်ခ် ကို စတွေ့တုန်းက ဘန်နာ နဲ့ ဘလော့နိမ်း ကြောင့် စိတ်ဝင်စားသွားတယ် .. နောက် အထဲမှာ ၀င်ဖတ်ကြည့်တော့ သရဲ အကြောင်း တွေ ရေးထားတာ တွေ တွေ့တယ် .. ကိုယ်ကသာ သရဲ တုန်အောင် ကြောက်ပေမယ့် အဲ့လို ဖတ်ရတာတွေကို ကြိုက်တယ် ..း))
နောက် ဟိုနေ့က မောင်မျိုးရဲ့ ဆားချက်ခြင်းမှာ ဆောင်းနှင်းရွက် သူ့ကို သိပုံကိုပါ ချက်ထားတာ တွေ့လိုက်ပါသေးတယ် .. အဲ့လိုပေါ့ .. သူဆိုရင် သူရဲ့ မဲဆောက် ကဗျာ ဖတ်ရင်း သိသွားရာက သူ့ဘလော့ ဖတ်ဖြစ်သွားတာ အဲ့လိုမျိုးတွေပေါ့ ...
ဘလော့က လူတွေ ဘယ်လို သိလည်း ဆိုတာကို တစ်ယောက်ချင်းစီကို ရေးနေရင် အများကြီး ဖြစ်သွားမှာ စိုးလို့ မရေးတော့ပါဘူး .. :))
ခု ဘယ်ဘလော့တွေ ရောက်ဖြစ်လည်းဆို စလုံးက စာရေးတဲ့ သူတွေရဲ့ ဘလော့တွေ ၊ စာဖတ်သူ အရမ်းများတဲ့ ဘလော့တွေ ၊ နေ၀သန် ၊ လင်းခေတ်ဒီနို ၊ ကိုအောင် (ပျူနိုင်ငံ) ၊ ကိုဇော် ၊ မချော ၊ မရို့စ် ၊ မောင်မျိုး ၊ ငွေလမင်း ၊ သက်တန့်ချို ၊ မိုးယံ ၊ မြစ်ကျိုးအင်း၊ ရွှေစင်နု၊ မေဓာဝီ ၊ ညီလင်းသစ် ၊ ကိုကိုမောင်(ပန်းရနံ့) ၊ အန်ဂျယ်လှိုင်း ၊ သီဂီကျော် ၊ တီဆွီ ၊ မနတ်သမီး၊ ဦးဟန်ကြည် (ရောင်စုံလေးတွေ နဲ့ ရေးလို့ :P နာမည် ကြီးတာလား ၊ ဘာလို့လဲ မသိဘူး .. ခုနောက်ပိုင်း နာမည် တော်တော်ကြီးနေသလိုပဲ .. :D ) ၊ ရှုပ်ပါတယ် .. ခု ဆောင်းနှင်း ဆိုဒ်မှာ လင့်ခ်ချိတ်ထားတဲ့ သူမှန်သမျှ ဆီ အကုန် ရောက်ပါတယ် ပဲ ပြောလိုက်တာ ကောင်းပါတယ် .. ဟီး ;-) နာမည်တွေ တပ်ပြီး မရေးတာ စိတ်မဆိုးကြပါနဲ့ ..း)

ခုလို အွန်လိုင်းမှာ စာရေးတာ ၊ စာဖတ်တာ တကယ်ကို ပျော်ဖို့ ကောင်းပါတယ် .. စိတ်လည်း ပြေသလို ၊ ဗဟုသုတ တွေလည်း ရပါတယ် .. ခုလို စုဗူးက စလို့ ခုချိန်ထိ စာရေးနေရင်း သိတဲ့ သူငယ်ချင်းများအားလုံး ထဲမှာ ပြောမနာ ၊ ဆိုမနာ ၊ တကယ် ခင်ရတဲ့ သူငယ်ချင်းတွေ ၊ အကူအညီ လိုအပ်ခဲ့တဲ့ အချိန်တွေ မှာပဲ အကူအညီ ပေးခဲ့တဲ့ သူငယ်ချင်း တွေ ၊ အဝေးရောက်သွားပေမယ့် တတ်နိုင်သလောက် အမြဲ ကူညီပေးခဲ့တဲ့ သူငယ်ချင်း နေ၀သန် ၊ အားလုံးကိုကျေးဇူးတင်ပါတယ်လို့ ပြောချင်ပါတယ် ..

နောက် .. ကွန့်မန့် တွေမှာ နောက်နောက်ပြောင်ပြောင် နဲ့ ပေးခဲ့တာတွေကိုလည်း စိတ်မဆိုးကြပါနဲ့ ပြောပါရစေ .. တစ်ခါတစ်လေ ပေးလိုက်တဲ့ ကွန့်မန့်နဲ့ စာနဲ့ တစ်လွှဲ ဖြစ်သွားမှန်း .. ကိုယ် ကိုယ်တိုင်လည်း သိပါတယ် .. အဲ့ဒီ့အတွက်လည်း စကောပန်ပါတယ် ..း)))
ဒါကြောင့် ခုချိန်မှာ ကိုယ်တိုင်သာ အတွေးပေါ် ၊ စိတ်ကူးပေါက် မှ အရည်မရ ၊ အဖတ်မရ တွေ ထရေး ပြီး စာတွေ ရေးတာ အရမ်း ကျဲ ပေမယ့် ဘလော့မှ ရေးတဲ့ သူတွေရဲ့ စာတွေကို အားတာနဲ့ ၀င်လာပြီး အမြဲ အားပေးနေရင်း ဆက်လက် ပြီး စာတွေ ရေးသားနိုင်ကြပါစေ လို့ ပြောလိုက်ပါရစေ ..

တကယ်တော့ ဆောင်းနှင်းရွက် ဆိုတာ စာရေးတဲ့ သူတစ်ယောက် မဟုတ်ဘဲ အားရင် ဘလော့က စာတွေ လိုက်လိုက်ဖတ်တဲ့ ပရိတ်သတ် တစ်ယောက်ပါ ..

PS ... !...* စာတစ်ပုဒ်ရေးတိုင်း အတွေးနဲ့ အရေးနဲ့ တစ်ခြားစီ ဖြစ်ဖြစ်သွားတတ်တာလည်း ခုချိန်ထိ မပျောက်သေးသလို မြန်မာလက်ကွက် ရိုက်ရာမှာလည်း စကားလုံး အဆင့်တွေ နဲ့ ရိုက်ရတဲ့ တစ်ချို့ စကားလုံးကို မရိုက်တတ်တာကြောင့် စာလုံးပေါင်းတွေ မှားနေပါတယ် .. *...!

ဘလော့လည်း ဖုန်ဒလောဟော ဖြစ်နေပြီ .. အဲ့လိုပဲ .. ရေးချင်စိတ် ရှိရင် ထရေး ၊ မရေးချင်ရင် ပစ်ထားလိုက်နဲ့ .. သူ့ခမျာလည်း သနားပါတယ် .. လိုမှ ခေါ်သုံးသလို ဖြစ်နေတယ် ..
ခုတလောလည်း မျက်လုံးတွေထဲမှာ တွေ့ရတာတွေက သိပ်အဆင်မပြေတာတွေ က များနေတော့ စိတ်ပြေလက်ပြေ လုပ်တာတွေ များနေထဲက ဘလော့လည်း ရေးအုံးမယ် ဆိုပြီး ရောက်လာပြန်ပြီ ... ဒါကြောင့် ဒီနေရာလေးကို အမြဲ ကျေးဇူးတင်ပါတယ် ..
ဒါပေမယ့် စာရေးမယ် ဆိုပြီး အတွေးသာ ၀င်ပေမယ့် ရေးချင်စိတ်က သေချာ ဖီးလ်မလာသေးဘူး ၊ နောက် စာဖောဖောသီသီ ရေးနေကျ မဟုတ်တော့ လည်း ဘာရေးလို့ ရေးရမှာမှန်း မသိဘူး ဖြစ်နေတာနဲ့ ..
ခုတစ်လော နားထောင်ဖြစ်နေတဲ့ အိုး အိုး စောင်း တွေ ထဲက နားထဲ စွဲနေတဲ့ သီချင်းနှစ်ပုဒ်ပဲ အရင် တင်လိုက်တယ် ..

ယဉ်ကျေး နားဝင်ချိုသာစွာ ပြောရင်တော့ ဘ၀ခြားများ ..
နဲနဲ လန့်အောင် ပြောရရင်တော့ သရဲများ ... :D

သရဲ .. သရဲ .. လို့ပဲ ခေါ်ရမလား .. ဘယ်လို နာမည် တပ်ရမလဲ ..

ထိုထိုသော ဘ၀ခြားများကို တွေ့ရမှာကို သေအောင်ကြောက်သည် . .. ဘ၀ခြားများကို ကြေက်သလို .. အမှောင်ကိုလည်း ကြောက်သည် .. ငယ်ငယ်ကဆို မီးပြတ်သွားပြီဆိုရင် သွေးပြတ်မတတ် ကြောက်သည် .. ငယ်ငယ်မဟုတ်ဘူး .. ခုချိန်ထိ ရန်ကုန်ပြန်သွားလို့ မီးပြတ်တာနဲ့ တိုးရင် ကြောက်တုန်း ... မီးပျက်ပြီ ဆိုတာနဲ့ အနားရှိတဲ့ သူနား ပြေးကပ်တာပဲ.. မတော်လို့များ မှောင်ထဲမှာ ရုတ်တရက် ၀ါးကနဲ လာပေါ်လိုက်ရင် ဆိုပြီး တွေးပြီး အသေကြောက်သည် .. ဒါမှ မဟုတ် ဇာတ်လမ်းတွေထဲကလို မှောင်ထဲမှာ လက်လာဆွဲသွားတို့ .. တစ်ခုခု ကိုယ့်ကို လာခြောက်မှာ အ၇မ်းကြောက်သည် .. တစ်ယောက်ယောက် လက်ကို ကိုင်ထားရင်းနဲ့ပဲ "သမီးနားမှာ မီးခြစ်ရှိတယ် ၊ ဓာတ်မီး ရှိတယ် " ဆိုပြီး ပြောရင်လည်း စမ်းရမှာ အရမ်းကြောက်သည် .. မတော်လို့ သူက လာမထိပါဘူး .. ကိုယ်က သွားထိလိုက်မှဖြင့် ဆိုပြီး တွေးပြီး ခြောက်ခြားနေတာ .. အဲ့လိုတွေ မဟုတ်တာတွေကို ကြောက်လွန်းလို့ အခန့်မသင့်ရင် မီးပြတ်တိုင်း အဆူခံရသည် .. အထူးသဖြင့် အဒေါ် နဲ့ မေကြီး ရဲ့ အော်တာကို တော်တော် ခံရတယ် .. " မဟုတ်တာ တွေ လျှောက်လျှောက်မတွေးနဲ့ တဲ့ .. ကိုယ့်အိမ့်မှာ ဘုရားနဲ့ တရား နဲ့ နေတာ ဘာမှ မရှိဘူး တဲ့ " ဟုတ်တော့လည်း ဟုတ်တာပဲ .. ဆောင်းနှင်း ကိုယ်တိုင်ကကို လွန်လွန်းနေတာ ... :D

ခုပြောမှာက ဘ၀ခြားတွေ ပါ .. လူတိုင်း တော့ ကြုံဖူးမှာမဟုတ်ပါဘူး .. လူတိုင်းမှာ ကံနှိမ့်တဲ့ အချိန် ၊ ကံ မြင့်ချိန် ဆိုတာ ရှိတာပဲ ...
တွေ့ဖူးရင် ကံနှိမ့်တယ်လို့လည်း မဆိုနိုင်ပါဘူး .. ဘာလို့လည်းဆို တစ်ဘက်က ဘ၀ခြားသွားပေမယ့် အရမ်း ကိုယ့်ကို အစွဲအလန်း ကြီးနေတာလည်း ဖြစ်နိုင်တာပါပဲ .. ထားပါတော့ .. ကိုယ်ရေးချင်တာပဲ ဆက်ရေးတော့မယ် .. :D

ဘ၀ခြား လားး .. ပထမဆုံး မြင်ဖူးတာကတော့ မူလတန်း တတ်ခဲ့တဲ့ ကျောင်းလေးမှာပါ .. (ဒီအဖြစ်အပျက်ကလေးကို ကောင်းကောင်းကို မှတ်မိနေပါသေးတယ်) အရွယ်ကတော့ မူလတန်း ကျောင်း စတတ်နေတဲ့ အရွယ် သူငယ်တန်းပေါ့.. လန့်ပြီး ဖျားတာ နောက်နေ့ ကျောင်းမတတ်နိုင်တော့ဘူး ...း)) ဆောင်းနှင်းတို့ ကျောင်းရဲ့ အနောက်ဖက်မှာ လမ်းကွင်းပြင်ကြီး တစ်ခု ရှိတယ် .. ယောကျာင်္လေး ၊ မိန်းကလေး အိမ်သာတွေကလည်း ကျောင်းရဲ့ အနောက်ဖက် တော်တော်ဝေးဝေးမှာ ရှိတာပါ .. အိပ်သာတွေရဲ့ အနောက်ဖက်မှာ ကျောင်းခြံစည်း၇ိုးက လွှဲလို့ ဘာမှ မရှိဘဲ မြေကွင်းပြင်ကြီးပဲ ရှိပါတယ် ... တစ်နေ့ ဆောင်းနှင်းတို့ သူငယ်ချင်း တွေ အိပ်သာ သွားရင်း အိပ်သာ မ၀င်ခင် ရုတ်တရက် ကွင်းပြင်ထဲကို မြင်လိုက်တာ .. လက်ကြီးးးး .. လက်ကြီးးး .. မြေကြီးထဲကနေ ထွက်လာပြီး ဆောင်းနှင်းတို့ကို ခေါ်တာပါ .. ဘယ်ပြောကောင်းမလဲ ... ပြေးလိုက်တာ တန်းစီနေတာပဲ ... ဆရာမကိုလည်း ပြန်ပြောပြ .. အိမ်ကိုလည်း ပြန်ပြောပြနဲ့ .. ကျောင်းအုပ်ဆရာမကြီးက ဘယ်ကနေ ၊ ဘယ်လို စုံစမ်းလဲ အဲ့ဒါတော့ မသိတော့ဘူး .. အဲ့ဒါ ကွင်းပြင်စောင့်တာတွေ .. ၊ ပသီ မောင်နှမ တွေတဲ့ ... အဲ့ဒါနဲ့ ကျောင်းမှာ တရားတွေ ဘာတွေနား .. ၊ အမျှအတန်းတွေ ပေးဝေတာတွေ လုပ်ကြပေမယ့် နောက်နေ့ ကျောင်းမသွားနိုင်တော့သလို ၊ မျက်လုံးထဲကနေလည်း မထွက်ဘူး ...

နောက် ၄ တန်းပြီးတော့ အဲ့ဒီ့ မူလတန်း ကျောင်းလေးကနေ မြို့ထဲက အထက်တန်းကျောင်းတစ်ကျောင်းကို ပြောင်းဖြစ်သွားတယ် .. အဲ့ဒီ့ ကျောင်းက ဗြိတိသျှ လက်ထက် က အင်္ဂလိပ်တွေ အခြေချ နေထိုင်သွားတဲ့နေရာတဲ့ .. ဟုတ်လား မဟုတ်လားတော့ မသိပါ .. ကျောင်းမှာ မ၇မ်းပင် အကြီးကြီးတွေ ၊ ညမွှေပန်း အပင်တွေ နဲ့ ဘော်ဒါဆောင် ကို ကြည့်ရတာ စိတ်ခြောက်ခြားလှတယ် ... ဆောင်းနှင်းကတော့ ကျောင်းက ဘော်ဒါမှာ မနေခဲ့ပေမယ့် အဆောင်က လူတွေပြောတာတော့ .. ဆပ်ပြာခွက်တွေ ဘာဖြစ်တယ် .. ရေကျသံတွေ ဘာဖြစ်တယ်ဆိုတာ နောက်နေ့ မနက် ကျောင်းကို ရောက်ရင် ကြားရတတ်ပါတယ် .. တကယ်တော့ သူတို့တွေလည်း သွေးခြောက်ခြားတာဖြစ်မှာပါ ...း)) အဲ့လိုပဲ ကျောင်းမှာ ၅ တန်းဆောင် အီးခန်း က ခြောက်တာတို့ .. ၉ တန်းဆောင်ဘက်မှာ စပရစ် ခေါ်ရင် ခဏလေးနဲ့ ၀င်တာတို့ .. အကြွေစေ့ နဲ့ခေါ်တာတွေ .. အမျိုးမျိုးတွေ နဲ့ပဲ ကိုယ့်စိတ်ကိုယ် ခြောက်ခြားအောင် လုပ်မိသလိုပဲ ..

နောက် ၇ တန်းတုန်းက အဖိုး ဆုံးတော့ တစ်ခါ ... အဖိုးက ကျောက်ပန်းတောင်းက ဆိုပေမယ့် ဆုံးတော့ မန်းတလေး ဆောင်းနှင်းတို့ ရှင်ပြု ၊ နားသ အလှူ ကို လာရင်းနဲ့ ရုတ်တရက် ဆုံးသွားတယ် .. မျက်စိရှေ့မှာတင် ပထမဆုံး အကြိမ် မြင်ဖူးတော့ အရမ်းလန့်သွားတယ် .. အိပ်လို့လည်း မပျော်သလို ၊ အရမ်းကြောက်မိတယ် .. နောက်ဆုံး အလှူ ရေစက်ချ လုပ်တဲ့နေ့ကတော့ အဖိုးလာသွားတယ်လို့ ပြောတော့ ဘာမှန်းမသိ လူက တုန်နေတယ် .. နောက် အလှူပြီးတော့ ကျောက်ပန်းတောင်းဘက် ဆက်သွားတော့လည်း ညဘက်တုန်းကဆိုရင် အဖေ့ လိမ်းနေကျ ပေါင်ဒါနံ့ ရတယ်လို့ မနက်ဘက် အဒေါ်တွေ ပြောတာ ကြားတော့ ညဆို အိပ်ပေါ်ထပ် မတတ်ရဲပြန်ဘူး ... ( တကယ်တော့ ရက်လည်ပြီးပြီ ပဲကိုး .. )

အဖိုးပြီးတော့ ဆောင်းနှင်းရဲ့ အချစ်ဆုံး အဒေါ် ၊ ၀မ်းနဲ့ လွယ်ပြီးဆောင်းနှင်း ကို မမွေးခဲ့ပေမယ့် အမေရင်း မခြား ဆောင်းနှင်းတို့ မောင်နှမ အပေါ် အရမ်း ဂရုစိုက်တဲ့ အမေ့ရဲ့ ညီမ .. ဆောင်းနှင်းရဲ့ ချစ်ဆုံး လေးလေး .. (လေးလေးဆိုတာ မန်းတလေး ဘက် က အန်တီတွေကို သုံးနှုန်းတာတဲ့) .. အဲ့တုန်းကတော့ ဆောင်းနှင်းမကြောက်ခဲ့ဘူး .. လေးလေးကို တွေ့တောင် တွေ့ချင်နေမိတယ် .. ဒါပေမယ့် လုံးဝ ဘာဆို ၊ ဘာမှ မတွေ့ခဲ့မိဘူး .. မေကြီးက ပြောတာတော့ သမီး ကြောက်တတ်မှန်းသိလို့ နေမှာပေါ့ ဆိုပြီး ခုချိန်မှာ ရယ်စရာ အနေနဲ့ တစ်ခါတစ်လေ နောက်နေပါသေးတယ် ...
နောက် အကို တစ်ဝမ်းကွဲ ဆုံးတော့ လည်း အိမ်မှာ ကိုယ့်ဘာသာ ခြောက်ခြားတာ ပြောမနေနဲ့တော့ .. ခြောက်ခြားဆို အကို က မန်းတလေး မှာ ဆုံးပြီး ရက်မလည်ခင်ပဲ အိမ်ရှေ့မှာ ဆောင်းနှင်းနဲ့ ဆောင်းနှင်း အမ ၀မ်းကွဲ တစ်ယောက်နဲ့ ရပ်နေရင်း အိမ်ထဲကို အဖြူရောင် ၀တ်စုံနဲ့ ကောင်လေးတစ်ယောက် ၀င်လာတယ်ဆိုတာ တွေ့လို့ မတ်တပ်ထပြီး တံခါးနားသွားမယ် အလုပ်မှာ ဘယ်ပျောက်သွားမှန်း မသိ .. ပျောက်သွားလိုက်တာ ညီမ ၂ ယောက်လုံး ဒူးကိုတုန်လို့ ..း))

နောက် ဒီကို ရောက်လာတော့ ပိုဆိုးတယ် .. ဒီမှာ အဲ့လို ဘ၀ခြားတွေ အရမ်းပေါတဲ့ အကြောင်း .. အထူးသဖြင့် တစ္ဆေကြီးများ ကန်တော့တဲ့ လတွေမှာဆို ပိုဆိုးတယ်တဲ့ ...
အလုပ်က ပြန်လာတာ တစ်ခါတစ်လေ နောက်ကျတဲ့နေ့ဆိုရင် ဓာတ်လှေကား စီးရင်းနဲ့ အနောက်ဘက်မှာ ပေါ်လာမှာတို့ .. အိမ်တံခါး ဖွင့်နေရင်း အနောက်ဘက် က နေ ကိုယ့်ကို လက်နဲ့ ပုတ်လိုက်မှာတို့ ဇာတ်လမ်းတွေ ကြည့်ကြည့်ပြီး သွေးခြောက်ခြားပြီး လန့်တာ .. :D တကယ်တော့ အဲ့လို ဇာတ်လမ်းကလည်း အရမ်းကြည့်ဖြစ်တာ မဟုတ်ပေမယ့် ၁ ကားကြည့်ပြီးရင် ၁ လ လောက် လန့်နေတယ် ... :D ခုလည်း အစောန (husk) ဆိုတဲ့ သရဲကား ကြည့်ပြီး စိတ်ကူးပေါက်တာ ပို့စ်ရေးလိုက်တာ .. ;))
လူက ကြောက်သာ ကြောက်တယ် .. နားထောင်ချင်လိုက်တဲ့ သရဲ အကြောင်း ၊ ကြည့်ချင်လိုက်တဲ့ သရဲကား .. ဖတ်ချင်လိုက်တဲ့ သရဲ အကြောင်းတွေ .. စိတ်ဝင်စားသလား မမေးနဲ့ .. ဖြစ်နိုင်ရင် ခရမ်းရောင်လိုင်းက ပိတ်ထားတဲ့ အမ်အာရ်တီ စတေးရှင်းကိုတောင် သွားကြည့်ချင်တာ .. တကယ်ပြောတာ .. :D
ကျောင်းမှာဆို လည်း သူငယ်ချင်းတွေ ပြောရင် အရမ်း စိတ်ဝင်စားတာ .. ညဘက် ဘာဘယ်အလုံးခေါက်သံ ကြားရင် အဲ့ဒါ ကလေး သရဲ တဲ့ .. အစုံ .. အစုံပဲ .. သူတို့ ပြောပြတာ .. B-)

အင်းး .. ဒါနဲ့ .. ပြောပြအုံးမယ်.. နောက်တစ်ခု ..
ဒီရောက်တော့ အဲ့လိုမျိုးတွေ တစ်ခါမှ မကြုံဖူးပေမယ့် ကိုယ့်ဘေး နားက တစ်ယောက် ကြုံသွားတာလေးပါ .. တစ်နေ့ ကြက်တောင်ရိုက်ကအပြန် ညဘက် ၁၁ နာရီလောက်ရှိနေပါပြီ .. အခန်းက အမ တစ်ယောက်ရယ် .. နောက် ကောင်လေးတစ်ယောက် ရယ် .. ဆောင်းနှင်းရယ် .. စုစုပေါင်း ၃ ယောက်.. အဲ့ဒီ့ ကောင်လေးမှာ ကားပါ တော့ ဆောင်းနှင်းတို့ သူ့ကားနဲ့ ပြန်လာရင်း အိမ်နားက ရှော့ အန် ဆေ့ ဆိုင် မှာ အချိုရည်ဗူး ၀ယ်ကြတဲ့ အချိန်ပေါ့ .. ဆောင်းနှင်းတို့ ချပေးပြီး သူကားပါကင်သွားထိုးလိုက်မယ်တဲ့ .. သူလည်း အိမ်သာ သွားချင်နေလို့တဲ့ .. အဲ့ဒါနဲ့ ဆောင်းနှင်းတို့လည်း သူချပေးတဲ့ ဆိုင်နဲ့ ဒလွဲခုတ် နေရာလေးကနေ ဆင်း ပြီး ၊ ဆိုင်မှာ အအေးဝယ်ကြတာပေါ့ .. အအေးဝယ်ပြီးလို့ ပြန်ထွက်လာတဲ့ အချိန်မှာ အဲ့ဒီ့ကောင်လေးလည်း ပြန်ရောက်လာတော့ ကားဘယ်နား ထားခဲ့လည်းလို့ အမမေးလိုက်တော့ .. " ကားက ဒီမှာပဲလေ " တဲ့ .. အခန်းက အမ က မျက်လုံးပြူးသွားတယ် .. ဒါဆို အဲ့ကားပေါ်ကနေ အစောက ဆံပင် အရှည်ကြီးနဲ့ ကောင်မလေး တစ်ယောက်ဆင်းသွားတယ်တဲ့ .. ဆံပင်ရှည်တာမှ တင်ပါးလောက်တောင် အထိ ဆိုပဲ .. သူကလည်း သူဘယ်လို မြင်လိုက်တဲ့အကြောင်း .. ဆောင်းနှင်းရော ၊ သူရော က ကားကို ကားပတ်ခ့် မှာ သွားရပ်ထားတယ် ထင်တော့ အဲ့ကားကို သူများ ကားပဲ ထင်ပြီး ဆောင်းနှင်းက သတိမထားလိုက်ပေမယ့် အခန်းက အမကတော့ သူသေချာ မြင်လိုက်ရတဲ့ အကြောင်း ပြောတော့ ၂ ယောက်သား ၊ ကားပေါ် တတ်ပြီး အိမ်ပြန်ရမလား .. ဒီအတိုင်းပြန်ရမလား .. ဒါနဲ့ပဲ ကားနောက်ခန်းထဲမှာ စီးနေရင်း အနောက်ဘက်ကနေ ဝေါကနဲ ပေါ်လာမလား .. အတွေးတွေနဲ့ .. အိမ်ပြန်ရောက်တော့ အိပ်ခန်းထဲက အိပ်ပြင်တောင် မထွက်ရဲတော့ဘူး ... :D

နောက်ရှိသေးတယ် .. အိမ်ရှေ့ ဖိနပ် စီးတဲ့ ခုံပေါ်မှာ ဟိုဘက်အခန်းက အမ မြင်တာတွေ .. ကျန်သေးတယ် ..

ရေးရမယ်ဆိုရင် အများကြီးရှိနေသေးသလိုပဲ .. ဒါပေမယ့် ဆက်ရေးရမှာ ကိုယ့်ဘာသာ ကိုယ် ကြောက်နေပြီ ..
ရေးတော့ဘူး .. ဒီမှာပဲ ရပ်တော့မယ် ...

PS ... !...* ရေးချင်တာ တစ်ခြား ၊ ရေးမိလိုက်တာ တစ်ခြားတွေ ဖြစ်တွားတယ် . :D .. *...!

သူများတွေ ဧပယ်ရယ်လ် ဖူးလ် လား မဖူးလ်လား မသိ ၊ ဆောင်းနှင်းကတော့ မဖူးလ် ပေမယ့် ဘူတဲ့နေ့ပဲ ..

ဒီနေ့ ညနေဘက် ၆ နာရီက စလို့ ဆောင်းနှင်းတို့ အခန်းထဲက သူငယ်ချင်းတွေ စုပြီး ပါဆားရစ်ကနေ အော့ချက် ၊ အော့ချက် ကနေ ပါဆားရစ် ၊ (သို့) တစ်နေရာရာ ကို ညလုံးပေါက် စက်ဘီးစီးဖို့ တိုင်ပင်ထားပါတယ် .. နောက်နေ့ မနက် ၇ နာရီ အထိပေါ့ ...

****************************

ငါ့ကို မနက် ၈နာရီ ၁၅ မိနစ် မတိုင်ခင် လိုက်ဖြစ်တယ်၊ မလိုက်ဖြစ်တယ်ဆိုတာကို မက်ဆေ့ခ်ျ ပို့ ၊ နင် မလိုက်ဖြစ်ရင် အထုပ်တွေ နဲ့ အလုပ်ကို မသွားတော့ဘူး .. အဲ့ဒါ မနက်အကြောင်းပြန်ပါလို့ မှာထားတဲ့ သူငယ်ချင်းက ၈ နာရီ ၄၅ မှ မက်ဆေ့ခ်ျပို့တာနောက်ကျတော့ ၊ လိုအပ်တာရော ၊ မလိုအပ်တဲ့ ပစ္စည်း တွေရောကို ကျောပိုးအိတ်နဲ့ အပြည့်သယ်လို့ အလုပ် ကို သွားပေါ့ ... ကိစ္စမရှိပါဘူး .. နဲနဲ ပဲ ပိုသယ်သွား၇တာလို့မှတ်ယူလိုက်ပါတယ် ...

^^^^^^^^^^^^~~~~~~^^^^^^^^^^^^^^

ကျောင်းပိတ်တုန်းမလို့ ပတ်တိုင်းအလုပ်ပိုလုပ်ချင်တာနဲ့ ကိုယ်လုပ်နေကျ အလုပ်အပြင် အလုပ်တွေ လိုက်လျှောက်နေတာ ပြီးခဲ့တဲ့ ၁ ပတ်လောက်ကတည်းကပေါ့ ..(သူငယ်ချင်း တစ်ယောက်နဲ့အတူ) ဒါနဲ့ပဲ အလုပ်အသစ် တစ်ခုမှာ အတူတူ ရတယ်ပဲ ဆိုပါတော့ .. အင်တာဗျူးတဲ့နေ့က ဘာလုပ်ရမယ် ၊ ဘာလုပ်ရမယ် ဆိုပြီး ပြောထားပြီး .. ဒီနေ့ အလုပ်သွားလုပ်တော့ မပြောထားတာတွေပါ လုပ်ခိုင်းတာ ဆိုတော့ စိတ်ထဲမှာ တင်းသွားတယ် .. အဲ့ဒါနဲ့ နေ့လည်ထမင်းစားတော့ စားနေရင်း သူငယ်ချင်း ၂ ယောက် ငါတို့တို့ ပြန်စဉ်းစားရတော့မယ်လို့ ...နောက်စားနေရင်မှ ကြည့်မိလိုက်တယ် .. သောက်နေတဲ့ ကင်ချီဟင်းချိုက ၀က်သားတွေနဲ့ .. သေရော .. ထားလိုက်ပါတော့ .. မသိလို့စားမိလိုက်တယ်ပဲ သဘောထားလိုက်တယ် .. ;)
ဒါနဲ့ ညနေ အလုပ်လည်း ပြီးရော ဘာကြောင့်မလုပ်နိုင်တော့တဲ့ အကြောင်း ဆိုတာကို မက်ဆေ့ခ်ျ အရှည်ကြီး ရိုက် ရှင်းပြပြီး ပို့ပေးလိုက်တယ် .. ဒီနေ့လုပ်တာ ကံကောင်းရင်တော့ ရမှာပေါ့ .. ကံမကောင်းရင်တော့ ဧပရယ်ဖူးလ်မှာ ပျော်လွန်းလို့ ရက်ရောစွာနဲ့ သူများဆီမှာ အလုပ် အလကား သွားလုပ်ပေးလိုက်ပါတယ် လို့ပဲ သဘောထားလိုက်ပါတယ် .. :D


အလုပ်ပြီးတော့ ဖုန်းထဲကို မက်ဆေ့ခ်ျဝင်လာပါတယ်... ငါတို့ ဒီနေ့ စက်ဘီးမစီးဖြစ်ကြတော့ဘူးတဲ့ .. ကန်ဆယ် တဲ့ .. မျက်နှာ က ပိုပြီး မှုန်သုန်သွားတယ် ... -.- ဘာလို့လဲဆိုတော့ ဟိုလူကြောင့် ၊ ဒီလူကြောင့် နဲ့ တစ်တန်းလုံးမှာ ၃ ယောက်ပဲ မပါနိုင်တဲ့ ကိစ္စ က ဘာကိစ္စ နဲ့ ဒီနေ့ ညနေ ၄ နာရီကျမှ ရုတ်တရက် ပျက်သွားရတာလဲပေါ့ .. အဲ့ဒီ့ ၃ ယောက်ကလည်း အစကတည်းက မလိုက်နိုင်ကြောင်း အစောကြီးကတည်းက ပြောထားတဲ့ ဟာကို .. နင်တို့ အဓိပယ် ကို မ၇ှိဘူးလို့ .. နဂိုကမှ လူက ကြည်ကြည်လင်လင် မရှိတာ ဒေါသက ပိုထွက်သွားတယ် .. အထုပ်ကလည်း သယ်ရသေးတယ် .. (ပြောရင်းတောင် စိတ်တိုတယ်) ... အဲ့ဒါနဲ့ ဘာတဲ့ .. အိုင်စ်စကိတ်စီးမယ်တဲ့ .. မစီးချင်ရင် မုန့်သွားစားပြီး ရုပ်ရှင်ကြည့်မယ်တဲ့ .. တော်လို့ .. မသွားတော့ဘူးလို့ .. စိတ်တိုလိုက်တာ ... ဂူးးးဂူးးး ဂါးးးးဂါးးးး ပဲ ...


အဲ့ဒါနဲ့ ညနေ အလုပ်ကပြန်တော့ ဆီးသီးတောမှာ သူက ဘီးဇီး၊ ကိုယ်က ဘီးဇီး နဲ့ မတွေ့ဖြစ်တာ ကြာတဲ့ သူငယ်ချင်း တစ်ယောက်နဲ့အတူ အကင်ဆိုင်အသစ် တစ်ခုမှာ ထမင်းသွားစားပါတယ် .. ခဏနေတော့ သူ့သူငယ်ချင်း တစ်ယောက်ပါ လာမယ်ဆိုပြီး ရောက်ချလာပါတယ် .. အဲ့ဒါနဲ့ စားစရာတွေ မှာပေါ့ .. မန်းမြီးရှည်နဲ့ ခေါက်ဆွဲကြော် ၃ ပွဲ ၊ ငါးကင် ၊ ကြက်ဖင်ဆီဖူးကင် ၊ အသဲအမြစ် ကင် နဲ့ ၀က်နံရိုးကင်ပါ ...
ပြောချင်တဲ့ဆီ မရောက်သေးဘူး .. ဆောင်းနှင်းက ၀က်သားမစားတော့ အကင်တွေကို ပန်းကန်ထဲ အကုန်စုထည့်မလာခဲ့ဖို့ မှာလိုက်ပါတယ် ..ခွဲပြီး ထည့်ပေးပါတယ် .. ဒုတိယ တစ်ခေါက် အကင်တွေ ထပ်မှာတဲ့ အချိန်မှာတော့ အကင်ကို ဘယ်လိုလာချလည်း ပြောပြပါမယ် ... ၀က်နံရိုးကင်တွေကို တော့ ပန်းကန်နဲ့ ထည့်လာပြီး တစ်ခြားအကင်တွေကို လက်နဲ့ ကိုင်လာပါတယ်.. ကိုင်လာပြီး ဆောင်းနှင်းရှေ့က ငါးကင်အရိုးတွေထည့်ထားတဲ့ ပန်းကန်းထဲ ထည့်သွားပါတယ် ..( ငါးကင် ပန်းကန် မဟုတ်ပါ ) ထိုင်နေတဲ့ ၃ ယောက်လည်း မျက်လုံးပြူး .. ဆောင်းနှင်းကတော့ ပွစိ ပွစိပေါ့ .. စိတ်ထဲမှာ ကောင်မလေးကို ခေါ်ပြီး အသစ်ပြန်လုပ်ခိုင်းမယ် ဆိုပြီးခေါ်မလို့ လုပ်လိုက်ပါသေးတယ် ..ဆောင်းနှင်း သူငယ်ချင်းရဲ့ သူငယ်ချင်းကို အားနာတာပါ .. ဆောင်းနှင်း သူငယ်ချင်းလည်း မဟုတ် ၊ ဘယ်လိုလုပ်ပြီး ဒီအရိုးပန်းကန်ထဲက ဟာကို ယူစားပါ့မလဲ .. ဆောင်းနှင်း သူငယ်ချင်းကတော့ သူငယ်ချင်း အချင်းချင်း မလို့ ထားလိုက်ပါတော့.. .. သူငယ်ချင်း က စိတ်လျှော့လိုက်ပါတဲ့ .. ယောက်င်္ကျားလေး ၀ိုင်း ဆိုတော့ ကောင်မလေး ရှက်ကိုးရှက်ကန်းနဲ့ လုပ်မိလုပ်ရာ လုပ်လိုက်တာ နေမှာပါတဲ့ .. သူတို့ ၂ ယောက်က လျှောက်နောက်နေပေမယ့် ဆောင်းနှင်း စိတ်ထဲမှာ ကျလိကျလိနဲ့ တစ်ခုခုကို ပြောချင်နေတယ် .. ဒါနဲ့ ဘေလ်ရှင်းတော့ ဆိုင်ရှင်လား ၊ ဘာလားတော့ မသိ ၊ အကိုကြီးလား ၊ မောင်လေး လား ၊ ရွယ်တူ ပဲလား ..သန့်သန့် ပြန့်ပြန့်နဲ့ တစ်ယောက် လာရှင်းပါတယ် .. "အကို မေးကြည့်လို့ ရမှာလား လို့ .. ဘယ်လို မှတော့ စိတ်မရှိပါနဲ့ .. ဒုတိယ တစ်ခေါက် အကင်မှာတဲ့ အချိန်မှာ ဘာလို့ ပန်းကန်အသစ်နဲ့မချပေးဘဲ စားပြီးသား အရိုးပန်းကန်ထဲကို ထည့်ပေးသွားတာလဲလို့ " .. သူငယ်ချင်းက ၀င်ဖြေပါတယ် .. " ကျွန်တော်တို့က ကိစ္စ မရှိပါဘူးတဲ့ .. အစောက !@#$%^&*()_ နောင် ဧည့်သည် တွေကျတော့ မကောင်းဘူးပေါ့လို့ " ပြောလည်း ပြီးရော .. ဆောင်းနှင်းကို လျှာရှည်လို့တဲ့ .. အဲ့ဒါ လျှာရှည်တာမှ မဟုတ်တာ ...
(( စေတနာ ဗလပွ နဲ့ ပိုကောင်းလာစေချင်လို့ ဖိ့ဘက်ခ် ပေးတာလို့ ခေါ်တယ်လို့ .. :D ))
ဟုတ်တယ်လေ ... စားလို့ အရသာလည်း မဆိုးဘဲ ရောင်းအား ကောင်းတဲ့ ဆိုင်ကို ပိုပြီး ရောင်းအား တက်စေချင်လို့ ပြောတာ ..း))

မပြီးသေးပါဘူး .. နောက်တစ်ခု
မနက်ကတည်းက လူက နေမထိ ၊ ထိုင်မသာ ဖြစ်တဲ့ အထဲမှာ လက်ရှိလုပ်နေတဲ့ ပုံမှန်အလုပ်က ဘဏ်ထဲကို ၁ ရက်နေ့ ၀င်ရမယ့် ဟာကို မနက်ကတည်းက ညနေ အထိ ချက်နေတာ ပိုက်ပိုက် ၀င်မလာသေးဘူး ..
... ခု စာရေးနေတဲ့ ည ၁၀ နာရီ အထိ လည်း ၀င်သေးဘူး ... ;(
အရင်ဆို နောက်မကျတတ်ဘဲ ဒီနေ့ မှ တမင် ဖူးလ် အောင်များ တမင် နောက်ကျတာလား မသိဘူး ..း))

မဖူးလ်ပါ .. သို့သော် .. ညစ်တယ် ...

PS ... !...* မဖူးလ် သော်လည်း .. ဒီနေ့ ရေရေလည်လည် ညစ်တယ်.. ခုထိ စိတ်မကြည်ဘူးးး .. *...!

xx. x. ၂၀၀၂ ။ ၂၀၀၆


၂၀၀၂ မှာ ကျရောက်ခဲ့တဲ့ ဆောင်းနှင်းရဲ့ မွေးနေ့မှာ မေမေ့ကို ပေးမယ်ဆိုပြီး ပထမဆုံး စပ်ခဲ့တဲ့ ကဗျာလေး တစ်ပုဒ်ပါ ... ဆောင်းနှင်းလည်း အရမ်း ငယ်သေးတော့ ကိုယ့် မွေးနေ့မှာ အဲ့လိုကြီး ပေးရမှာ ကောင်းပါ့မလား .. ဒါမှ မဟုတ် ရှက်နေခဲ့တာလား ဘာကြောင့်မှန်းမသိဘဲ မေမေ့ကို မပေးဖြစ်ခဲ့ပါဘူး ..

နောက် ၂၀၀၆ မှာ တစ်ခါ ၊ ဒီကဗျာလေးနဲ့ ပစ္စည်း တစ်ခု ပေးမယ် ဆိုပြီး ထပ် ရည်ရွယ်ခဲ့ပါသေးတယ် ..
အဲ့ဒါလည်း အကြောင်း အမျိုးမျိုးကြောင့် ပစ္စည်း လေးပဲ ပေးဖြစ်ခဲ့ပြီး .. စာရွက်အိတ်လေးကို သိမ်းထားခဲ့မိပြန်ပါတယ် ..

ဒီကဗျာလေးဟာ ခုချိန်ထိ ဆောင်းနှင်း ကိုယ်တိုင်ပဲ ဖတ်ဖြစ်နေတဲ့ ကဗျာလေး တစ်ပုဒ်ပါ ...
တကယ်တော့ အစက ဒီနေ့ ကျရောက်တဲ့ မေမေ့ မွေးနေ့မှာ ဒီကဗျာလေးနဲ့ အတူ ပစ္စည်းလက်ဆောင်လေး ထည့်ပေးမလို့ စိတ်ကူးထားပါသေးတယ် ..
ဒါပေမယ့် လက်ဆောင် သာ ပို့ပေးဖြစ်ပြီး ၊ ဒီ ကဗျာလေးကတော့ ဒီအတိုင်း ကျန်နေခဲ့ပါသေးတယ် ...
ဒါကြောင့် ဒီကဗျာလေးကို ဒီနေ့ ကျရောက်တဲ့ မေမေ့ မွေးနေ့အတွက် အမှတ်တရ လက်ဆောင် အဖြစ် စာအိတ်လေး ပျောက်သွားခဲ့ရင်တောင်မှ အမြဲ အမှတ်တရ ကျန်နေအောင် မိမိရဲ့ ဘလော့မှာပဲ ပြန်သိမ်းထားလိုက်ပါတယ် ..

မေမေ စိတ်၏ချမ်းသာခြင်း ၊ ကိုယ်၏ ကျန်းမာခြင်း ဖြင့် ပြည့်စုံ၍ အစဉ်သဖြင့် ကျန်းမာပျော်ရွှင်စွာ မေမေချစ်တဲ့ သားနဲ့ သမီး နဲ့အတူ နေနိုင်သွားနိုင်ပါစေ ...

PS ... !...* အဝေးရောက်နေတဲ့ သမီးငယ်လေး ဆီမှ *...!

(သန္ဒေ ဆိုတာ ဓ နဲ့ ပေါင်းပေ့မယ့် လက်ကွက် မရိုက်တတ်လို့ ဒ နဲ့ စာလုံးပေါင်းလိုက်တာပါ)

ဆောင်းနှင်းတို့ အိမ်မှာဆို ငယ်ငယ်က အပင်တော်တော်စုံတယ် ပြောရမလား .. အိမ်ရှေ့ မှာလည်း အပင်တွေ များလို့ လမ်းပေါ်ကနေ ကြည့်ရင် အိမ်ကို တောင် သေချာ မမြင်ရပေ ..
ဆောင်းနှင်းတို့ မိသားစု ဒီအိမ်နေရာကို ပြောင်းလာတော့ ဆောင်းနှင်း ၃ နှစ် သမီးပဲ ရှိပါသေးတယ် ..

အဲ့ဒီ့အချိန် အိမ်ရှေ့မှာ ဘာပင်မှ မရှိသလို ၊ တစ်ရပ်ကွက်လုံးမှာလည်း အပင်ဆိုတာ တော်တော်ရှားပါးတယ်တဲ့ .. အဲ့ဒါနဲ့ပဲ ဖေကြီးက လမ်းသွားလမ်းလာတွေလည်း အရိပ်ရအောင် ဆိုပြီး မြန်မြန် ကြီးလွယ်တဲ့ ကုက္ကိုပင် ကို အရင်စိုက်လိုက်တယ်လို့ တော့ အိမ်က မေကြီး နဲ့ ဖေကြီး ခဏ ၊ ခဏ ပြောလို့ ကြားဖူးပါတယ် ..
အဲ့ဒါနဲ့ပဲ ဆောင်းနှင်းတို့ အိမ်ရှေ့မှာ ကုက္ကိုပင် ကြီး တစ်ပင် ရှိတယ်ပေါ့ .. (မှတ်ထားနော် .. လိပ်စာ) .. :D

အိမ်မှာ ဖေကြီး ၊ မေကြီး နဲ့ လေးလေး တို့ကတော့ အပင် ဘာစိုက်သလဲ မမေးပါနဲ့ .. အသေးကအစ ၊ အကြီးအထိ တစ်ခုခု ဆို စိုက်မယ်ဆိုတာချည်းပဲ .. ဆောင်းနှင်းလည်း အပင်စိုက်တာ ၀ါသနာ ပါပေမယ့် မြေသြဇာ ကိုင်ရတာလောက် စိတ်ညစ်တာ မရှိပါဘူး ... ဘာလို့လဲ ဆို တစ်ခါ ဖေကြီး က မြေသြဇာ အစစ်ဆိုတာ နွားခြေတွေလည်း ပါတယ်လို့ ပြောကတည်းက အပင်ထဲကို မြေသြဇာ ထည့်ရမယ်ဆို လုံးဝ မထည့်ချင်ပေ .... အဲ့ဒါနဲ့ ပဲ ဘယ်က၀ယ်ဝယ်လာမှန်းမသိတဲ့ မြေသြဇာဆိုတာတွေကို အုန်းပင်နားမှာ ထား ထားတာလည်း မှတ်မိနေပါသေးတယ် ...

နောက် အိမ်ခြံရှေ့အ၀င်ဝ လမ်းတစ်လျှောက်နဲ့ ခြံစည်းရိုးရှေ့မှာ စံပယ်ပင်တွေ စိုက်ထားတယ် .. စံပယ်ပန်း ပွင့်ချိန်ဆိုရင် စံပယ်ပွင့်တွေ ခူးရတာ မနက်မနက် ဆို အမောပေါ့ .. မနက် မိုးလင်း လမ်းသွားလမ်းလာတွေ အိမ်ရှေ့အ၀င်ဝ က စံပယ်တွေ ခူးသွားတာတောင် မနက် ၇ နာရီ ဆောင်းနှင်း ခူးတဲ့အချိန်ဆို ခြင်း ၁ ခြင်းနဲ့ တော်တော်အပြည့်ရတယ် .. ခြံထဲမှာလည်း စံပယ်ရုံက တစ်ရုံ ရှိသေးတော့ .. တစ်ချို့ အပွင့်တွေကို အခက်လိုက် ဘုရားကပ် ၊ တစ်ချို့ အပွင့်တွေကို အပ်ချည်ကြိုးနဲ့သီ ၊ တစ်ချို့အပွင့်တွေကို အိမ်ရှေ့ အိမ်နီးနားချင်းတွေ ပေးနဲ့ မနက်ဆို ဆောင်းနှင်း လုပ်ရတဲ့ အလုပ်တွေထဲမှာ တစ်ခုအပါပေ့ါ ..း) (( ပျော်ဖို့ကောင်းတယ် ))

အဲ့လို ခြံ အ၀င်ဝမှာ လမ်းတစ်လျှောက်မှာ စံပယ်ပင်တွေ နဲ့ အတူ ဇီဇ၀ါ ပန်း အဖြူတွေ စိုက်ထားတာတွေလည်း ရှိသေးတယ် .. နေ့တိုင်းတော့ မခူးဖြစ်ပေမယ့် ခူးဖြစ်တဲ့နေ့ဆိုရင်တော့ ဘုရားပန်းကပ်ပေါ့ ..
နောက် အဲ့ဒီ့ စံပယ်ပန်းတွေ နဲ့ ဇီဇ၀ါပင်တွေ ခြားထဲမှာ ထီးထီးကြီး တစ်ပင်တည်း ရှိနေတာ က ဒန့်သလွန်ပင် ... အိမ်ကဖေကြီးက အိမ်ရှေ့အိမ်က ဒန့်သလွန်ပင် က ဒန့်သလွန်သီး သီးနေတာတွေ သဘောကျတာ ရယ် ၊ ကိုယ်တိုင် ဒန့်သလွန်ရွက် ဟင်းချို ကြိုက်တာရယ် ကြောင့် တစ်ပင်တည်း စိုက်လိုက်ပါသေးတယ် ...

အိမ်ရှေ့ ခြံစည်းရိုး အရှေ့မှာ စံပယ်ပင် တွေ နဲ့အတူ ဒီဘက် ခြံ အ၀င် စွန်းနားမှာ ငရုတ်ပင်လည်း စိုက်ဖူးသေးတယ် .. ငရုတ်သီးလေးတွေ သီးနေပြီ ဆိုရင် အပင်မှာ စိမ်းစိမ်းအတောင့်လေးတွေနဲ့ အရမ်း ကြည့်လို့ ကောင်းတာပဲ .. ဟင်းချက်နေရင်း ငရုတ်သီးလိုလို့ သွားခူးချည်းဆိုရင် ကလေးပီပီ သွားခူးရသေးတယ် .. အဲ့လိုခူးနေတဲ့ အချိန် မတော် အိမ်ရှေ့ ရေမြောင်းထဲ ပြုတ်ကျသွားရင် ဘယ်သူမှတောင် သိလိုက်မှာတောင် မဟုတ်ဘူးနော် ..း(

ဆောင်းနှင်း ၃ ၊ ၄ တန်းလောက်မှာတော့ ခြံထဲအ၀င်လမ်းထိပ်မှာ ဖေကြီး တယုတယ နဲ့ စိုက်လိုက်တဲ့ မလေးရှား ပိတောက်ပင် နဲ့ တမာပင် ရှိသေးတယ် .. ဒါပေမယ့် မလေးရှားပိတောက်ပင်ကတော့ ဆောင်းနှင်း ၁၀ တန်းလောက် မှာ ဘာလို့မှန်း မသိ သေသွားရော ... အဲ့ဒီ့ သေသွားတဲ့ မလေးရှား ပိတောက်ပင် ကို ခုတ်ထားတဲ့ ငုတ်တို က တော့ ခုချိန်ထိ အိမ်ရှေ့မှာ ရှိနေဆဲပါပဲ ...

အိမ် ခြံရှေ့က အပင်တွေ ပြီးတော့ အိမ်ရှေ့ခြံထဲက အပင်တွေ ..

အိမ်ရဲ့ ပတ်ပတ်လည် မှာ ဟိုးအရင်ကတော့ ပုဏ္ဍရိက် ပင်တွေ တော်တော်များများရှိတယ် ... ပုဏ္ဍရိက် အနီထဲက ၀တ်ဆံလေးတွေကို ယူပြီးကြိုးနဲ့ သီပြီးလည်း ကစားဖူးတယ် ...ပုဏ္ဍရိက် ပင်က အသီးတွေကိုလည်း စပျစ်သီးဆိုပြီး စားဖူးတယ် ... :D

အိမ်ခြံရှေ့ အ၀ ရဲ့ ဘယ်ဘက်ထောင့်နားလောက်မှာဆို အုန်းပင်ရှိတယ် ... သင်္ကြန်ဆို အဲ့ဒီ့ အုန်းလက်တွေနဲ့ အိမ်ရှေ့မှာ မဏ္ဍပ်ဆောက်တယ် ...
ညာဘက်ထောင့်နားလောက်မှာဆို သနပ်ခါးပင် ရှိတယ် .. အရမ်းလည်း ပွင့်တယ် .. အရမ်းလည်း မွှေးတယ် ...
ဘုရားလည်း ကပ်ပေါ့ ....

အိမ်ခြံရှေ့ တည့်တည့်က ခြံစည်းရိုးမှာ ကပ်စိုက်ထားတဲ့ ပေါက်ပန်းဖြူပင်ကြီး ၃ ပင် လည်း ရှိတယ် .. အဲ့ဒီ့ ပေါက်ပန်းဖြူပင် ၃ ပင်ကြောင့် လမ်းပေါ်က ကြည့်ရင် အိမ်ကို မမြင်ရတာ လည်း ပါတယ် ... ပေါက်ပန်းဖြူပွင့်တွေကို သုပ်စားတယ် ... ဟင်းချိုလုပ်သောက်တယ် .. ပြုတ်ပြီး တို့စားတယ် .. တစ်နေ့ အဲ့ဒီ့ ပေါက်ပန်းဖြူပွင့်တွေကို တုတ်နဲ့ မခူးဘဲ အကို က အပင်ပေါ်တတ်ပြီး ခူးတာလားမသိပါဘူး ... အပင်ပေါ်ကနေ ပြုတ်ကျတာလား ၊ အဆင်းမှာပဲ ခြံစည်းရိုး ၀ါးကပ်တွေ နဲ့ ခြစ်မိတာလား လည်း သေချာမမှတ်မိတော့ပေမယ့် ... သူ့ဗိုက်မှာ အဆင်းရာတွေနဲ့ တစ်ချို့နေရာတွေ မှာ သွေးတွေထွက်တယ်ဆိုတာတွေတော့ မှတ်မိသေးတယ် ...

အိမ်ရှေ့ ခြံထဲက အဲ့ဒီ့ ပေါက်ပန်းဖြူပင်တွေ ရဲ့ နောက်မှာ မေမေရဲ့ အသည်းစွဲ ပိန်းပင် ၊ စံပယ်ပင် ၊ မာလကာ အူနီသီးပင် ၊ သလဲ သီးပင် ၊ သြဇာသီးပင် နဲ့ သပြေပင် ရှိတယ် ..

သလဲပင်က မန္တလေး အဖွားအိမ်က သလဲသီးပင် ကနေ ယူစိုက်ထားတာ .. အဲ့ဒီ့ အဖွားတို့ အိမ်က သလဲသီးက အရမ်းချိုတယ် .. အဖွားရန်ကုန်လာပြီး ဆိုရင် ပါလာတတ်တယ် .. စားပြီးသားအစေ့တွေကို အိမ်ရှေ့ကျဲချထားရင်းနဲ့ တစ်ပင်တည်း ရှားရှားပါးပါး ပေါက်သွားတာပါ ..း)

သပြေပင်မှာဆို စာကလေးတွေ ၊ နှံပြည်စုတ် ငှက် လေး တွေ လာလာပြီး အသိုက်ဖွဲ့ လို့ ဥလေးတွေနဲ့ စာကလေး ပေါက်စနလေးတွေ၊ နှံပြည့်စုတ် နီတာရဲလေးတွေ ၊ အဲ့ဒီ့ မွေးခင်းစလေးတွေကို မိခင်ကြီးက အစာခွံကျွေးတာ တွေ ကိုလည်း မြင်ဖူးတယ် ... ((အိမ်ပေါ်ကနေ ကြည့်တာပါ))

ဒါနဲ့ ထူးဆန်းတာ တစ်ခု ပြောပြအုံးမယ် .. တိုက်ဆိုင်တာလား ၊ နိမိတ်လားတော့ မသိဘူး .. ဆောင်းနှင်း ၁၀ တန်း နှစ်ပေါ့ ... တစ်မျိုးလုံးက ချစ်ကြတဲ့ ဖေကြီးရဲ့ တူ ၊ ဆောင်းနှင်း အကို ပေါ့ .. (ကိုလေး)တစ်ယောက် ဗိုက်သင်တန်းတတ်ရင်း ဆေးရုံတတ်ရတယ် ဆိုတော့ အိမ်ရှေ့က သြဇာပင်က ရုတ်တရက် ညိုးကျသွားတယ် ... အဲ့ဒီ့အချိန်မှာ အိမ်က မေကြီး က စိတ်ထဲမှာ မကောင်းလိုက်တာပေါ့ .. အတိတ်ကောက်ပြီး .. ရင်ထဲတစ်မျိုးကြီးပေ့ါ .. ကိုလေး က သောကြာလည်း သောကြာသား ၊ တတ်နေတာလည်း အရာရှိသင်တန်းကိုး .. ကိုလေးက ဆေးရုံ ၁ လ လောက် တတ်ရတယ်လေ ... နောက် ကိုလေး မဆုံးခင် ၁ ပတ်လောက် နေတော့ သြဇာပင်က လုံးဝ ကို သေသွားရော ... အိမ်ကလူတွေ က စိတ်မကောင်းတွေ ဖြစ်လို့ ... တိုက်ဆိုင်တာလားတော့ မသိဘူးနော် ...

နောက် အိမ်မှာ ပိန်းအိုး တွေ တော်တော်ပေါတယ် .. သေချာမမှတ်မိတော့ပေမယ့် .. ပိန်းပင်တွေ အားရှိအောင်ဆိုလား ၊ ခရုမကျအောင်ဆိုလား .. ကြက်ဥ ၊ ဘဲဥ ချက်ပြီ ဆိုရင် အဲ့ဒီ့ အခွံတွေကိုလည်း အိုးထဲသွားထည့်ပေးရသေးတယ် ... အဲ့ဒါကြောင့်ပဲ အပွင့်တွေ အမြဲ လိုလို ပွင့်နေလား မသိပေ ..

အိမ်ရှေ့ပြီးတော့ အိမ်ဘေး ...

အိမ်ဘေးမှာလည်း ပိန်းပင်တွေရှိတယ် .. မေကြီး က ပိန်းပန်း တော်တော် ကြိုက်တယ် ... အိမ်ရှေ့မှာရော ၊ အိမ်ဘေးမှာရော ၊ အားရင် ပိန်းပင်တွေကို မျိုးပွား ၊ အိုးအကြီးကနေ အမြစ် အတတ်တွေကို ၊ အိုးအသေးထဲထည့် ၊ အုန်းဆံတွေ ထည့်နဲ့ .. ဆောင်းနှင်းတို့ လည်း အဲ့ဒီ့ ပိန်းအိုးတွေ မပြီး အိမ်ရှေ့ရွှေ့လိုက် ၊ အိမ်ဘေး ရွှေ့လိုက်နဲ့ လုပ်ပေးရတယ် .. အိမ်မှာ အရင် က အုန်းနို့ခေါက်ဆွဲချက်လို့ အုန်းဆံတွေရပြီဆို သိမ်းထား ၊ ပြီးရင် ပိန်းအိုး ထဲထည့် .. ၊ ပြောလို့ ပြောတာ မဟုတ်ပေ .. အိမ်မှာ အရမ်း စည်းစနစ် ကြီးတယ် ပြောရမလား ၊ အလေအလွှင့် မရှိစေရ ပြောရမလား ၊ ဘယ်လို ပြောရမလဲ .. မေကြီးပဲ အိမ်ရှင်မကောင်းတစ်ယောက် ပီသလွန်းတယ် ပြောရမလား .. အလေအလွှင့်ဘာမှ မရှိစေရဘူး ... :D ဘယ်လိုပဲဖြစ်ဖြစ် ဆောင်းနှင်းရဲ့ မေမေကို အရမ်းချီးကျူးတယ် .. တကယ်ကို အိမ်ရှင်မကောင်း တစ်ယောက် အရမ်းပီသလွန်းတယ် ..

အိမ်ဘေးမှာ ပိန်းပင်တွေ နဲ့ အတူ လေးလေး တယုတယ ဆိုက်တဲ့ ပန်းထိမ်မနိုင်ပန်း ၊(ပန်းထိမ်ငိုလို့လည်းခေါ်တယ်) လည်း ရှိသေးတယ် .. အဲ့ဒီ့ ပန်းကလည်း ပွင့်ရင်တော်တော်လှတယ် .. သူပွင့်ပုံ ပွင့်နည်းက တစ်ခြားပန်းတွေလို မဟုတ်ဘဲ အရိုးတန်မှာ ဆင်းဆင်းလေနဲ့ ပွင့်တာ ကြည့်လို့ အရမ်းကောင်းတယ် ..

နောက် မာလကာပင် ၊ အိမ်ရှေ့ကအပင်က အူနီသီး ၊ အိမ်ဘေးက အပင်က အူအဖြူ ၊ သီးရင် စားလို့ အရမ်းကောင်းတယ် .. အရမ်းလည်း ချိုတယ် .. အ၇မ်း မကြီးတဲ့ မာလကာသီး ဆိုရင် အိမ်ပေါ်ကကြည့်လို့ မှည့်ဖို့ အရောင်နဲနဲသန်းသန်းတာတွေ့ပြီ ဆိုရင် ဘယ်အချိန် ခူးရမလဲ စောင့်တယ် .. တုတ်နဲ့ ခူးလို့ မရရင် ရေစည် ပေါ်ကနေ အပင်အောက်ဖက်နားတက်ပြီး အကိုင်းကိုလှုပ်တယ် .. အလုံးနဲနဲကြီးတယ်ဆိုရင်တော့ အိမ်က ဘုရားကပ်ဖို့ ပြောဖို့ မခူးရဘူး .. ..

နောက် ခရမ်းချွတ်သီးခေါ်လား .. တို့စားတဲ့ ခရမ်းသီး လေး ပေါက်စနလေးတွေလေ .. အဲ့ဒါလေးတွေ လည်း စင်သေးသေးလေး ထိုးပြီး အိမ်မှာ ခဏ စိုက်လိုက်ကြသေးတယ် ...

အိမ်ရဲ့ ဘေးမှာ သရက်ပင်ကြီးလည်း ရှိတယ် ... အဲ့ဒီ့ သရက်ပင်က သရက်သီး လုံးဝ မသီးဘဲနဲ့ အပင်က ကြီးထွားလိုက်တာ ၊ တော်တော်ကိုကြီးတယ် .. ဒီတော့ အိမ်က သရက်ပင်က ကြီးလွန်းတော့ အိမ်ဘက်ကို သရက်ကိုင်းတွေ အရမ်းရောက်တော့ အကောင်ပလောင် စိုးရိပ်၇တယ် .. ( အိမ်မှာ အကောင်ပလောင်လည်း ပေါပါတယ် ကြုံရင် ရေးပါအုံးမည် ) .. နောက် မိုးတွင်းဆို သရက်ကိုင်းတွေ အိမ်ခေါင်မိုးထိပြီး ရိုက်တဲ့ အသံက မိုးတွင်းဆို ကြောက်ဖို့ ကောင်းတယ်ပေါ့ .. အဲ့ဒါနဲ့ ဒီနှစ် မှ မသီးရင် နဲနဲ ခုတ်မယ်လုပ်လိုက်တာ .. အဲ့ဒီ့နှစ် ဝေေ၀ဆာဆာနဲ့ အပွင့်တွေ ပွင့်လို့ အိမ်က လူတွေ အံသြကုန်ရော ... သီးတာ ၊ သီးတာ ဆိုတာ အများကြီးပဲ .. အလုံးကြီးတွေ ဆိုတာ လည်း အကြီးကြီးတွေပဲ .. အဲ့ဒီ့သရက်သီးခူးတုန်းကလည်း အောက်ကနေ ဖေကြီးနဲ့ မေကြီး တုတ်ခြင်းနဲ့ ခူးနေတာ ကို မောင်လေး နဲ့ အကို က အပင်ပေါ်တတ်ခူးပေးမယ် တဲ့ .. သူတို့ ခူးတာကို ကြည့်ပြီး ဆောင်းနှင်းလည်း ခူးချင်လို့ အပင်ပေါ်ကို အိမ်နောက်ဖက် အမိုးပေါ်ကနေ တက်တယ် .. ဘာလို့မှန်းမသိ ငယ်ငယ်ကအပင်ပေါ်တက်၇တာ ကို ၀ါသနာကို ပါသလိုပဲ .. :D .. အဲ့ဒီ့ သရက်ပင်ပေါ်ရောက်တော့ တစ်ချို့ အလုံးအသေးလေးတွေကလည်း နဲနဲ ၀င်းပေါ့ .. ဘယ်ရမလဲ ... အပင်ပေါ်မှာတင် ခူးလည်း ခူး၊ စားလည်း စားပေါ့ .. အဲ့ဒါ အောက်က ဖေကြီး ၊ မေကြီး နဲ့ လေးလေး တို့က မသိဘူး .. :D အဲ့လို အစားကောင်းလို့လဲ ပါးစပ် မှာ သရက်စေး ပေါက်ဘူးတာ ခံ၇တယ် .. ၃ ယောက် ပြောရင်း ခူးရင်း၊ စားရင်းနဲ့ သရက်သီးကို ကိုင်းကနေ ခြွေချင်သလို ခြွေတော့ ကိုယ်ခန္ဓာ မှာလည်း သရက်စေးတွေ ပေါက်တာ အဖြူကွက်တွေ နဲ့ပေါ့ ... :P အဲ့ဒါကို အကိုက မဲ့ခရုစွဲပါတယ် ဆိုလို့ .. ငိုလိုက်ရတာ အမော ... အဲ့ဒီ့ သရက်သီးတွေကို အိမ်ရှေ့ အပင်က ကက္ကိုင်ရွက်တွေ နဲ့ အုပ်တာလည်း မှတ်မိပါသေးတယ် ...

အဲ့ဒီ့သရက်ပင် ပင်စည်မှာ ကပ်ပြီး သစ်ခွ နဲ့ ဒန်းစင်းလေဒီ အပင်တွေလည်း စိုက်ဖူးတယ် ... မာလကာပင်မှာလည်း အိုးတွေ တို့လို့တွဲလောင်း နဲ့ သစ်ခွ နဲ့ ဒန်းစင်းလေဒီတွေ စိုက်ကြသေးတယ် .. ဒန်းစင်းလေဒီ ကို ကြိုက်တယ် .. အဲ့ဒီ့ ပန်း ပွင့်တိုင်း စဉ်းစားမိတယ် .. ဘာလို့များ ကနေတဲ့ မိန်းကလေး တစ်ယာက်နဲ့ တူရတာလဲလို့ .. ပွင့်တိုင်း လည်း အနီးကပ် သေချာ ကြည့်ဖူးတယ် .. ပန်းဆို သူ့ဘာသာ အပင်မှာ ပဲ ပွင့်နေတာကို ကြည့်ရတာ ပိုသဘောကျတယ် .. မပန်ချင်ဘူး ..

နောက် အိမ်ဘေးမှာပဲ စင်ကြီးကြီး နဲ့ တစ်ခု စိုက်ဖူးသေးတယ် ထင်တယ် .. ဘာစင်လည်း သေချာတော့ မမှတ်မိတော့ဘူး ..

နောက် ဒီဘက်ခြမ်းဘက်က ခြံစည်းရိုးမှာ ဂွေးတောက်ပင်လည်း ရှိသေးတယ် .. ခြံစည်းရိုးကို စင်အနေနဲ့ သုံးပြီး အနွယ်တွေကို ပွားပေးတယ် .. အဲ့ဒါ ဖေကြီး အသည်းစွဲ .. ဆောင်းနှင်း အမုန်းဆုံး အပင် .. ဟုတ်တယ်လေ .. နာမည်ကြားရုံနဲ့ တင် စားချင်စိတ်မရှိ ၊ မြည်းကြည့်တော့ ခါးက ခါးသေးတယ် .. ဖေကြီးက ထမင်းစားရင် ဟင်းချိုပါမှ ထမင်းစားရတာ ကြိုက်တော့ ဟင်းချိုသောက် မရှိရင် ထမင်းစားခါနီးပြီး ဆို အိမ်ရှေ့က ဒန့်သလွန် ညွှန့်ကို ခူးရင် ခူး ၊ မခူးရင် ဂွေးတောက်ညွှန့်တွေကို မေမေ က ဟင်းချို လုပ်ပေးတယ် ..

အိမ်ရဲ့ အနောက်ဘက်မှာတော့ ကတတ်ပင် ရှိတယ် ... သပွတ်ပင် ရှိတယ် ..

သပွတ်အူလို မရှုပ်နဲ့ ဆိုတာ အပင်က သပွတ်သီး ခေါ်တာနဲ့ တူတယ် .. ခြောက်သွားရင် အထဲမှာ မြင်ရတယ် .. အမျှင်တွေ ရှူပ်ယှက်ခတ်နေတာ .. အဲ့ခါကျမှ နားလည်တော့တယ် .. :D

ကတတ်ပင် ကတော့ လေးလေး အသည်းစွဲ ၊ တကယ်တော့ အိမ်မှာ ကတတ်ပင် က အရင်စိုက်တာပါ ၊ အိမ်ရှေ့တမာ ၊ နောက်ဖေး ကတတ် ၊ မလုပ်ဘဲ နဲ့ စီးပွားတတ် ဆိုတဲ့ ဆိုရိုး ရှိတယ် ဆိုပြီး လာဘ်လည်း ပွင့်အောင် နောက်တော့မှ တမာပင် စိုက်တယ် ထင်တာပဲ ..
အဲ့ဒီ့ ကတတ်ပင် က အရမ်းတော့ ထူးထူးခြားခြား ကြီးထွားမလာပေမယ့် တပင်လုံး အညွှန့်တွေ နဲ့ ချည်း ပြည့်နေတတ်တယ် .. ပြည့်တာလည်း မပြောနဲ့လေ .. လေးလေး က အမြဲ အညွှန့်အသစ် ထွက်ပြီဆို ကတတ်ရွက်တွေ ဆားရည်စိမ်တယ် .. တို့စားတယ် .. သုပ်စားတယ် .. အိမ်နီးနားချင်း တွေပေးတယ် .. မိုးတွင်းဆို အပင်က အညွှန့်ထွက်တာ ခူးလို့ နိုင်တောင် မနိုင်တော့ဘူး .. ဆောင်းနှင်းလည်း ကတတ်ရွက်ဆို အရမ်းကြိုက်တယ် .. အိမ်က ကတတ်ရွက်ဆို လေးလေး နဲ့ ဆောင်းနှင်းက ဒိုင်ခံ စားတယ် ..

အဲ့လို အပင်စုံတဲ့ ဆောင်းနှင်းတို့အိမ်မှာ အရင်ကဆို နေ့တိုင်း ဘုရားစင်မှာ အိမ်က ပန်းတစ်မျိုးမျိုးကို အမြဲ တွေ့နေရတယ် .. အခုလို ပန်းပင်တွေ စိုက်လို့ ဆောင်းနှင်းတို့ အိမ်ခြံကို တော်တော် ကြီးလှတယ် မထင်ပါနဲ့ .. ပုံမှန်ခြံဝန်း အနေအထားကိုပဲ မေကြီး ၊ ဖေကြီး နဲ့ လေးလေးတို့က အိမ်ခြံအပြည့် အပင်စိုက်ထားတာပါ ..
ဒါပေမယ့် ခုချိန်မှာ အိမ်အဆောက်အဦး ကို တိုးချဲ့လိုက်တာ တစ်ပင်မှ ခြံထဲမှာ မရှိတော့ဘဲ ကျန်တဲ့ အပင်ဆိုလို့ အိမ်ရှေ့က ကုက္ကိုင်ပင် ၊ တမာပင် ၊ ဇီဇ၀ါ ပင် နည်းနည်း နဲ့ အိမ်နောက်ဘေးက ကတတ်ပင် တို့ပဲ ရှိပါတော့တယ် ..း(


ပုဏ္ဏရိတ် ဆိုတာ စာလုံးပေါင်းမှန်ပါသလား .. သိတဲ့သူ ရှိရင် ပြောပြသွားပေးပါ ..

PS ... !...* ဒီအပင် အကြောင်းကို ရေးချင်တာ ၁ လ လောက် ရှိနေပေမယ့် ခုမှပဲ ရေးဖြစ်လိုက်ပါတော့တယ် *...!

ရေးလိုက်တာ တော်တော်လေးကို ရှည်သွားပါတယ် .. သည်းခံ၍ အားပေးကြပါ.း))